Takk for det gamle

Brått var nok eit år omme, og reine, ubrukte ark ventar. 2014 var eit veldig fint år, så eg vonar med heile meg at det nye året kan måle seg! 

2014 går inn i historia som eit godvêrsår, ja, faktisk det varmaste året på lange tider. Sommaren starta allereide i mars, og vi gjekk flotte fjellturar og sov i telt i skogen. Vi naut lange, late dagar hjå svigers på hytta, og kjørte på turar med båten deira. 

Denne sommaren drog vi på ekte familieferie til Dyreparken i Kristiansand og vidare til Sverige. Vi var óg i Spania med mine foreldre, og så var eg på festival med vener. 

Dette var året då vi oppdaga at Hennika var meir enn klar for å ta til i barnehage, og eg endeleg fekk arbeid i skule. Audun, på si side, sa opp sine årelange jobb som heismontør, og tok til på eit nytt og spennande kapittel som sjølvstendig næringsdrivande.

Til og med jula, som starta så turbulent, endte med julefeiring i Volda, snødekte vegar og nyttårsfeiring hjå svigerfamilien Iversen. 

No er det nye året ringa inn, alle julekakene ete opp (ooops... Tar på meg skulda for det!) og Hennika og Besto rydder vekk julepynten medan faren raserar stua med eit kjempeirriterande, fjernstyrt helikopter. Så då gjenstår det berre for meg å takke for det gamle, og ynskje eit nytt og spennande 2015 velkomen med opne armar!